Fransanın xarici işlər naziri Stefan Sejurn Ermənistana səfər edəcək.
Modern.az xəbər verir ki, bu barədə o, özünün sosial media hesabında paylaşım edib.
Nazir səfər öncəsi videomüraciət yayımlayıb.
“Fransanın Ermənistanın müstəqilliyinə və ərazi bütövlüyünə dəstəyi dəyişməz olmaqla yanaşı, mübahisə predmeti deyil. Biz Ermənistanla həm də müdafiə sahəsində əməkdaşlıq edirik”, - o qeyd edib.
Sejurn ölkəsinin Ermənistanla münasibətlərinin möhkəm təməllərə əsaslandığını və tərəflərin bu əlaqələri daha da gücləndirməkdə maraqlı olduğunu vurğulayıb.
Səfər 15 sentyabrda baş tutacaq.