Məktəbəqədər və Ümumi Təhsil üzrə Dövlət Agentliyi yeni dərs ilində I siniflərə gedəcək 6 yaşlı uşaqların sayını açıqlayıb. Agentliyin məlumatına görə, 2024-2025-ci tədris ili üzrə I sinfə 132 261 uşaq qəbul olunub
Bu il məktəbəhazırlıq qruplarına qəbul olunan 5 yaşlı uşaqların sayı isə 89 000 nəfərdir. Modern.az saytı bu il I sinfə qəbul olunan uşaqların sayı ilə ötənilki statistikanın müqayisəsini aparıb. Araşdırma nəticəsində məlum olub ki, bu il I sinfə gedən uşaqların sayı keçən illə müqayisədə xeyli azalıb. Belə ki, Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 862 uşaq gedib. Beləliklə, builki göstəricini keçənilki ilə müqayisə etdikdə, məlum olur ki, I sinfə gedən uşaqların sayı 5601 nəfər azalıb. Ötən il, məktəbəhazırlığa cəlb edilən uşaqların sayı 87 569 nəfər olub. Bu da ötənilkindən təxminən 2 min nəfər azdır.
Dövlət qurumlarının təqdim etdiyi məlumata görə, əvvəlki illərdə məktəbin I sinfinə qədəm qoyan şagirdlərin sayı aşağıdakı kimi olub:
2019-2020-ci tədris ilində: 159644 nəfər 2020-2021-ci tədris ilində: 156328 nəfər 2021-2022-ci tədris ilində: 153822 nəfər 2022-2023-cü tədris ilində: 151560 nəfər
Ə.Qafarlı