Demokratlardan prezidentliyə namizəd Kamala Harris rəqibi Respublikaçı Donald Trampı seçkiqabağı debatda Çinə amerikan çipləri satmaqda ittiham edib.
Modern.az xəbər verir ki, Harrisin sözlərinə görə, bu yolla Tramp Çin ordusunun inkişafına töhfə verib.
“Donald Tramp prezidentliyi dövründə Çin ordusunu təkmilləşdirmək və modernləşdirmək üçün Pekinə Amerika çipləri satmağa başladı. Tramp bizi satdı”, - Harris vurğulayıb.
O qeyd edib ki, Vaşinqton üçün Pekinlə texnoloji yarışda qalib gəlmək prinsipial olaraq vacibdir. Donald Tramp demokrat rəqibinin ittihamları ilə razılaşmayıb. Onun sözlərinə görə, Çin Tayvandan çiplər alır, çünki ABŞ onları çətin ki, istehsal edir.
Donald Tramp və Kamala Harris arasındakı debatın ilk raundu ABŞ iqtisadiyyatı ilə bağlı suallarla başlayıb. Harris bildirib ki, Trampın təklif etdiyi plan “yalnız ən zəngin insanlar üçün” vergi güzəştləri verəcək. Donald Trump, öz növbəsində, "əvvəlki kimi, böyük bir iqtisadiyyat" yaradacağını söyləyib. O qeyd edib ki, ABŞ-ın Bayden-Harris administrasiyası dövründə üzləşdiyi yüksək inflyasiya ölkə üçün "fəlakət" olub.
Qeyd edək ki, Kamala Harris və Donald Tramp arasında debat Pensilvaniya ştatının ən böyük şəhəri olan Filadelfiyadakı Milli Konstitusiya Mərkəzində keçirilib.
Bu xəbər ilə bağlı Harris-Tramp debatı: Donald mikrofonun söndürülməsini tələb etdi Xəbəri oxu