2023-cü ildə dünyada 200-ə yaxın ətraf mühit fəalı öldürülüb.
Modern.az xəbər verir ki, bu, "Global Witness" beynəlxalq qeyri-hökumət təşkilatının illik hesabatında əks olunub.
Məlumata görə, 2023-cü ildə dünyada 196 ətraf mühit fəalı öldürülüb. Ən çox qətl Kolumbiyada qeydə alınıb - 79 nəfər. Bu ölkədən sonra Braziliya (25), Meksika (18) və Honduras (18) gəlir.
"Global Witness" müəyyən edib ki, ətraf mühit fəallarının əksəriyyəti (25 nəfər) mədən sənayesinə etiraz etdikdən sonra öldürülüb. Ölənlərin 43%-i torpaqlarına mədən korporasiyaları tərəfindən iddia edilən yerli icmaların üzvləridir.
Ümumilikdə, təşkilatın məlumatına görə, 2012-ci ildən 2023-cü ilə qədər 2106 nəfər ekoaktivist qətlə yetirilib.