Özbəkistan Prezidenti Şavkat Mirziyoyev Rusiyanın Baş naziri Mixail Mişustini qəbul edib.
Modern.az "Kun.uz"a istinadən xəbər verir ki, bu barədə dövlət başçısının mətbuat xidməti məlumat yayıb.
"Rusiya nümayəndə heyəti Özbəkistan və Rusiya hökumət başçıları səviyyəsində Birgə Komissiyanın beşinci iclasının proqramı çərçivəsində ölkəmizdə səfərdədir", - mətbuat xidmətinin məlumatında deyilir.
Görüşün əvvəlində Mişustin Mirziyoyevə “Rusiya Federasiyasının prezidenti Vladimir Putinin səmimi salamlarını və ən xoş arzularını” çatdırıb. Danışıqlar zamanı Özbəkistan-Rusiya çoxşaxəli əməkdaşlıq, hərtərəfli strateji tərəfdaşlıq və müttəfiqlik əlaqələrinin daha da genişləndirilməsi məsələləri nəzərdən keçirilib.
“Mirziyoyev regional səviyyədə praktiki qarşılıqlı fəaliyyətin daha da inkişaf etdirilməsi, intensiv mədəni-humanitar mübadilənin davam etdirilməsi, miqrasiya sahəsində səmərəli əməkdaşlığın təşkilinin tərəfdarı olub”, - deyə qeyd olunub.