Ukraynaya məxsus pilotsuz uçuş aparatları (PUA) Rusiyanın paytaxtının paytaxtının yerləşdiyi Moskva vilayətini və qərb bölgələrini hədəfə alıb.
Modern.az-ın məlumatına görə, bu barədə məlumatı yerli teleqram kanalları və Rusiya rəsmiləri yayıb.
Rusiya 21 milyondan çox əhalisi olan Moskva vilayətində ən azı 20, digər səkkiz rayonda isə 124 PUA-nın məhv edildiyini bildirib. “Hava hücumundan müdafiə sistemləri Ukraynaya məxsus 144 PUA-nı məhv edib və ələ keçirib: 72 PUA Bryansk vilayəti, 20-si Moskva vilayəti, 14-ü Kursk vilayəti, 13-ü Tula vilayəti, səkkizi Belqorod vilayəti, yeddisi Kaluqa vilayəti, beşi Voronej vilayəti, dördü Lipetsk vilayəti, biri isə Oryol vilayəti ərazisi üzərində vurulub”, - Müdafiə Nazirliyi bildirib.
"Rosaviatsia"nın məlumatına görə, hücumlardan sonra Moskvanın dörd hava limanından üçündə hərəkət dayandırılıb. Həmçinin, paytaxta gedən əsas yol qismən bağlanıb.
Moskva qubernatoru Andrey Vorobyov bildirib ki, PUA hücumları Moskva vilayətinin Ramenskoye rayonunda iki çoxmərtəbəli yaşayış binasına ziyan vurub, mənzillər dağılıb. Onun sözlərinə görə, Ramenskoyedə 46 yaşlı qadın ölüb, 3 nəfər yaralanıb. O əlavə edib ki, 43 nəfər müvəqqəti yerləşmə mərkəzlərinə təxliyə edilib.
Vorobyov öz teleqram kanalında yazıb ki, Ramenskoye şəhərinin Vısokovoltnaya küçəsindəki binada 102 mənzildən 54-ü zədələnib.
Rusiya da Ukraynaya zərbələri davam etdirib. Ukrayna Hərbi Hava Qüvvələrinin açıqlamasında deyilir ki, çərşənbə axşamı gecə Ukraynaya 46 pilotsuz uçuş aparatı, bir "İsgəndər-M" ballistik raketi və X-31P antiradar raketi ilə hücum edilib. Hərbi Hava Qüvvələri 38 pilotsuz təyyarəni vurmağa müvəffəq olub. Daha üç pilotsuz təyyarə Ukraynanın nəzarət edilən hava məkanını tərk edib, onlardan biri Rusiya istiqamətində, digər ikisi isə Luqansk vilayətinin işğal olunmuş əraziləri istiqamətində olub.
Kiyev hərbi administrasiyasının rəhbəri Sergey Popko isə şəhər yaxınlığıda hava hücumundan müdafiə vasitələrinin işlədiyini bildirib. “Hava hücumundan müdafiə vasitələri Kiyevə yaxınlaşmalarda işləyir. Hava hücumu xəbərdarlığı aradan qalxana qədər sığınacaqlarda qalın”, - o, teleqramında yazıb.