"Getdikcə daha çox ukraynalı Rusiya ilə danışıqlar aparmaq istəyir, lakin hərbçilər bunun əleyhinədir".
Modern.az xəbər verir ki, bu barədə WSJ məlumat yayıb.
"Ukraynada keçirilən sorğular Rusiya ilə sülh danışıqlarına mülki dəstəyin artdığını göstərir, baxmayaraq ki, ukraynalıların əksəriyyəti hələ də işğal olunmuş ərazilərin geri alınması uğrunda mübarizənin davam etdirilməsinə tərəfdardır. Bununla belə, hərbçilər danışıqların qəti əleyhinədir", - nəşr yazır.
Məqalədə deyilir: “Veteranların və fəal hərbi qulluqçuların yalnız 18%-i hesab edir ki, Ukrayna müharibəni danışıqlar yolu ilə dayandırmağa çalışmalıdır. Üstəlik, hərbçilərin 15%-i razılaşmadıqları sülh müqaviləsi imzalanacağı təqdirdə etiraz aksiyasına qoşulacaqlarını bildiriblər".
Üçüncü Hücum Briqadasının komandiri Andrey Biletski qeyd edib ki, “heç bir hərbi fəlakət baş verməyib” və Ukrayna ərazilərin əhəmiyyətli bir hissəsini geri ala bilər, çünki “müharibənin təsadüfi başa çatması təhlükəlidir”.
"Hərbçilər əmindirlər ki, sülh sazişi Putinə yalnız ordunu yenidən təchiz etmək və yeni işğala başlamaq üçün vaxt verəcək", - materialda qeyd olunub.
“Əgər uzunmüddətli sülh istəyiriksə, onlara mümkün qədər çox ağrı verməliyik”, - veteran İvan Pançenko bildirib.
Eyni zamanda, mülki əhali, xüsusən də gənclər arasında müharibəni dayandırmaq üçün güzəştə getmək istəyi artır.