Almaniyanın xəstəxanalarında vəsait çatışmır.
Modern.az xəbər verir ki, bunu Alman Xəstəxanalar Cəmiyyətinin idarə heyətinin sədri Gerald Gass "Augsburger Allgemeine" qəzetinə müsahibəsində deyib:
"Hər ikinci klinika xərclərin azaldılması tədbirlərini sərtləşdirməyə məcburdur".
O, Almaniyanın səhiyyə naziri Karl Lauterbaxı xəstəxanalara tibbi sığorta ödənişlərini kəskin artan inflyasiyaya uyğunlaşdırmağa çağırıb.
Gassın sözlərinə görə, bu il Almaniyada klinikalar 6 milyard avro kəsir proqnozlaşdırırlar, çünki inflyasiyanın kəskin yüksəlməsindən sonra onlar hər il orta hesabla 3% itiriblər.
"Mövcud vəziyyət xəstələrin qayğısına getdikcə daha çox mənfi təsir göstərirsə, siyasətçilər nəhayət müdaxilə etməsələr, digər ölkələrdə olduğu kimi Almaniyada da tibb xəstələr üçün gözləmə siyahısı ilə görünəcək", - o bildirib.