2024-cü ilin dekabr ayında Azərbaycanın Xalq şairi, ictimai xadim, Dövlət mükafatları laureatı Nəbi Xəzrinin (Nəbi Ələkbər oğlu Babayevin) anadan olmasının 100 ili tamam olur. Azərbaycan Prezidenti İlham Əliyev Nəbi Xəzrinin 100 illik yubileyinin qeyd edilməsi haqqında Sərəncam imzalayıb.
Modern.az Nəbi Xəzrinin oğlu Arzu Babayevlə əlaqə saxlayıb.
O qeyd edib ki, bu gün imzalanan sərəncam Prezident İlham Əliyevin sənət adamlarına, qələm sahiblərinə verdiyi dəyərin göstəricisidir.
"Allah, cənab Prezidentimizi bizə çox görməsin, ona can sağlığı versin. Ailəmiz adından dövlət başçısına təşəkkür edirəm. Bu sərəncamın imzalanması o deməkdir ki, Nəbi Xəzrinin yubileyi dövlət səviyyəsində qeyd ediləcək", - Arzu Babayev deyib.
Şairin oğlu əlavə edib ki, Nəbi Xəzrinin çap olunmayan az sayıda şeirləri var: "Onları gələcək kitabların birində mütləq çap edəcəyik”.