Rusiyadakı regional seçkilər nəticəsində bütün hazırkı bölgə rəhbərləri öz vəzifələrini qoruyublar.
Modern.az xəbər verir ki, sentyabrın 8-də axşam Rusiyada regional və bələdiyyə seçkilərində səsvermə başa çatıb.
Seçkilər ölkənin 83 regionunda baş tutub.
RBC yazır ki, səslərin hesablanmasının nəticələrinə görə, bütün hazırkı qubernatorlar və regional başçıların səlahiyyətlərini icra edənlər seçkilərdə qələbəni təmin ediblər. Moskva Şəhər Dumasına və Xabarovsk diyarı Dumasına keçirilən seçkilərdə səslərin əksəriyyəti “Vahid Rusiya”ya hesablanıb. Hakim partiyanın iki üzvü də Dövlət Dumasında mandat alıb.
Mənbələrin "Meduza"ya verdiyi məlumata görə, prezident administrasiyası ötən seçki kampaniyasını vacib hesab edir və bunu 2026-cı il Dövlət Dumasına seçkilər öncəsi bir növ təlim kimi qəbul edir.