Ermənistan parlamentinin Qarabağdakı keçmiş erməni separatçılarla əlaqəli komissiyası buraxıla bilər.
Modern.az-ın məlumatına görə, bu barədə Ermənistan parlamentinin spikeri Alen Simonyan məlumat verib.
O qeyd edib ki, "Ermənistan-Dağlıq Qarabağ parlamentlərarası komissiyası"nın buraxılması zəruridir, çünki “qarşı tərəf artıq səlahiyyətli deyil”.
Simonyan bu barədə parlamentin “Hayastan” fraksiyasının katibi Artsvik Minasyanın üç illik fasilədən sonra bu komissiyanın iclasını çağırmaq niyyətində olub-olmaması sualını cavablandırarkən danışıb.
Alen Simonyan, həmçinin qeyd edib ki, "Dağlıq Qarabağın" "prezidenti” də daxil olmaqla heç bir rəsmisi yoxdur və adıçəkilən qurumun buraxılması məsələsi formatı ciddi şəkildə müzakirə edilməlidir.