Kişilərin avtomobil idarə edərkən qanun pozuntularına yol verməsi və qəzaya düşməsi qadınlara nisbətən üç dəfə çoxdur.
Modern.az-ın məlumatına görə, bu barədə Rusiya Ali İqtisadiyyat Məktəbinin İqtisadiyyat və Elmlər Fakültəsinin əməkdaşları tərəfindən araşdırma aparılıb.
Araşdırmada qeyd olunur ki, kişilərin sərxoş halda maşın sürmə ehtimalı qadınlardan iki dəfə, həbs cəzasına məhkum edilmə ehtimalı isə üçdə birdir.
Müəlliflər bildirir ki, qadınların kişilərdən daha pis maşın sürməsi ilə bağlı bir sıra stereotiplər var: qadınlar sükan arxasında daha az diqqətli olurlar, stresə daha çox həssasdırlar, gözlənilməz vəziyyətlərə düzgün reaksiya vermirlər və ərazini yaxşı tanımırlar. Bu fikilərə əsasən qadınların yol qəzalarında daha çox günahkar olduğu iddia edilir.
Araşdırmaçılar Rusiyada təxminən 160 min məhkəmə qərarını araşdırıblar. Məlum olub ki, işlərin 90%-dən çoxunda kişilər məsuliyyətə cəlb olunub. Müəlliflər hər iki cinsin nümayəndələri arasında sürücülərin sayındakı fərqi nəzərə alıblar.
Tədqiqatçılar bildirir ki, kişilər avtomobili daha sürətli və daha təhlükəli idarə edirlər. Məsələn, onlar qadınlara nisbətən gündə orta hesabla 26% daha çox kilometr qət edirlər, lakin sərf olunan vaxt fərqi 10%-dir.