Mən təbiətcə narahat adamam. Hələ dövlətimizin, millətimizin, xalqımızın, ailəmin qarşısında çoxlu problemlərin həlli məni gözləyir.
Modern.az-ın məlumatına görə, bunu Milli Məclisin VI çağırış deputatı, Vəhdət Partiyasının sədri Tahir Kərimli deyib.
O deyib ki, ömrünün sonunadək xalqa xidmət edəcək:
"Ona görə də tək deputatlıqdan çıxandan sonra necə deyim ki, vəzifələrim, məsuliyyətim bitib? Axı mənim ürəyim bu dərdlərlə çox yüklənib. Çalışacağam ki, ömürümün sonuna kimi vəzifələri yerinə yetirim, xalqıma xidmət edim. Hətta öldükdən sonra belə mənim əməllərim xalqıma, dövlətimə xidmətdə olsun. Ona görə biraz kədərliyəm. Amma əslində xoşbəxtəm. Əgər xalqım məni sevərsə, xoşbəxtəm. Amma mən daha çox xoşbəxtəm, ona görə ki, xalqımdan sevgi gözləmədən mən xalqımı özüm çox sevirəm. Dövlətimi çox sevirəm, vətənim üçün fəda olmağa həmişə hazıram".
Qeyd edək ki, Tahir Kərimli 1 sentyabrda keçirilən parlament seçkilərində iştirak etməyib.