Ermənistanda 44 günlük müharibəni araşdırmaq üzrə parlament komissiyasının rəyi artıq hazırdır.
Modern.az "Sputnik Armenia"ya istinadən xəbər verir ki, bunu deputat Andranik Koçaryan açıqlayıb.
"Bu, Ermənistanın məğlubiyyətinin səbəblərini göstərir", - o qeyd edib.
Oktyabrda deputat komissiyanın hesabatının təqdim olunacağı qapalı iclas keçirmək üçün parlament sədrinə məktub göndərmək niyyətindədir.
İctimaiyyətə gəlincə, bir neçə yüz səhifəlik hesabatdan yalnız çıxarışlar - məxfi məlumatları ehtiva etdiyi üçün - onların ixtiyarına veriləcək.