“Biz Azərbaycanın ərazi bütövlüyünü və suverenliyini dəstəkləməyə davam edəcəyik”.
Modern.az xəbər verir ki, bu barədə Serbiyanın xarici işlər naziri Marko Curiç xarici işlər naziri Ceyhun Bayramovla birgə mətbuat konfransında bildirib.
“Azərbaycan da bizim ərazi bütövlüyü və suverenliyimizi dəstəkləyir. Biz buna görə təşəkkür edirik. Bu bizim beynəlxalq hüquqa verdiyimiz dəstəkdir. Mən bu gün Kosovada baş verənlərlə bağlı məlumatı həmkarıma çatdırdım. Baş verənlər Aİ-dən tutmuş bütün ölkələr tərəfindən pislənib. Amma buna baxmayaraq keçən il Serbiya xalqının 15%-i öz yerlərini dəyişməyə məcbur qalıb. Biz Balkan regionunda təhlükəsiz mühitin yaranması istiqamətində işlərə diqqəti yönəldirik. Biz bütün qonşularımızla dinc yanaşı yaşamaq siyasəti həyata keçirmək və yaşadığımız bölgədə vacib iştirakçı olmaq istəyirik. Çox sağ olun ki, beynəlxalq təşkilatlarda bizə dəstək vermisiniz”, - nazir vurğulayıb.