Serbiya və Azərbaycan arasında ali və yüksək səviyyəli görüşlər mütəmadi olaraq baş tutur. Eyni zamanda iki ölkə arasında bağlanan müqavilələrin icrası barədə mübadilələr aparılır.
Modern.az xəbər verir ki, bu barədə xarici işlər naziri Ceyhun Bayramov Serbiyanın xarici işlər naziri Marko Cuduriçin birgə mətbuat konfransında bildirib.
“Serbiya və Azərbaycan arasında münasibətlər təkcə iki tərəfli deyil, beynəlxalq səviyyədə də davam edir. Dövlətlərimiz bir-birinin suverənliyini və ərazi bütövlüyü tanıyır.
Bu gün eyni zamanda görüş zamanı COP-un əhəmiyyəti barədə danışıqlar aparıldı. Yaxın zamanda cənab Muxtar Babayevin Serbiyaya səfəri gözlənilir”,-deyə o bildirib.