Serbiyalı həmkarımla danışıqlar zamanı Qarabağda görülən işlər barədə ətraflı məlumat verildi.
Modern.az xəbər verir ki, bu barədə xarici işlər naziri Ceyhun Bayramov Serbiyanın xarici işlər naziri Marko Cuduriçin birgə mətbuat konfransında bildirib.
“Serbiya və Azərbaycan arasında görülə biləcək işlər müzakirə olundu. Sülh sazisi layihəsi ilə bağlı müsbət irəliləyişlər var. Bu da uğurlu addımdır. Eyni zamanda Ermənistan konstitusiyasında Azərbaycan ərazisi ilə bağlı iddiaların olduğu qeyd olundu. Bu da sülh prosesinə ciddi ziyan vurur. Bununla bərabər Ermənistanın ciddi şəkildə silahlanması regionda sülhün təmin olunmasına zərbə vurur. Bəzi ölkələr var ki, Ermənistana vədlər verir, bu da sülhə zərbə vurur. Hesab edirik ki, Ermənistan həqiqi şəkildə sülh istəyirsə, atdığı addımlarda dəyişiklik edəcək", - o qeyd edib.