Böyük Britaniyada ağciyər xərçənginə qarşı RNT peyvəndi sınaqlarına başlanılıb.
Modern.az BBC-yə istinadən xəbər verir ki, 67 yaşlı Yanuş Rats ağciyər xərçəngi olan və bu xəstəliyin müalicəsində inqilab yarada biləcək perspektivli yeni terapiyanı sınayan ilk pasient olub.
Bu, müəyyən bir xəstənin immunitet sisteminə xərçəng hüceyrələrini məhv edərək xəstəliyə qarşı mübarizə aparmağı öyrədən fərdi peyvənddir.
Peyvənd COVID-19 pandemiyası zamanı ABŞ-da ilk dəfə uğurla sınaqdan keçirilmiş eyni RNT texnologiyasına əsaslanır.
130 könüllünün cəlb edilməsi planlaşdırılır və müşahidələr paralel olaraq 7 ölkəyə səpələnmiş 30-dan çox tədqiqat mərkəzi tərəfindən aparılacaq.