Hindistanın baş naziri Narendra Modi Kiyevə bir günlük səfəri çərçivəsində Ukrayna prezidenti Volodimir Zelenski ilə görüşüb.
Modern.az xəbər verir ki, bu barədə Ukrayna mətbuatı məlumat yayıb.
Narendra Modi və Zelenski siyasi, ticarət, iqtisadi, investisiya, təhsil, mədəni və humanitar məsələləri müzakirə edəcəklər.
***
10:47
Hindistanın baş naziri Narendra Modi Kiyevə səfər edib.
Modern.az xəbər verir ki, bu barədə “Times of India” nəşri yazıb.
Modinin bu gün Ukrayna lideri Volodimir Zelenski ilə görüşü planlaşdırılıb, görüşdə müharibənin sülh yolu ilə nizamlanma perspektivləri müzakirə olunacaq.
Bu, Hindistan hökuməti başçısının ölkə tarixində Ukraynaya ilk rəsmi səfəridir.
İyul ayında Narendra Modi Moskvaya səfər edib və orada Vladimir Putinlə görüşüb. Kiyevdə bu səfərə kəskin reaksiya verib. Zelenski deyib ki, “dünyanın ən böyük demokratiyasının liderinin Moskvada dünyanın ən bədnam cinayətkarını qucaqladığını görmək üzücüdür”.