Rusiya prezidenti Vladimir Putin sərhədyanı rayonlarındakı vəziyyətlə bağlı müşavirə keçirib.
Modern.az xəbər verir ki, söhbətdə Kursk, Belqorod və Bryansk vilayətlərinin hakimiyyət orqanları, habelə baş nazirin birinci müavini Denis Manturov iştirak edir.
Kursk vilayətinin qubernatoru vəzifəsini icra edən Aleksey Smirnovun dediyinə görə, ümumilikdə 130 mindən çox insan atəşə tutulan əraziləri tərk edib, 20 minə yaxın sakin isə qalıb. Onlardan yalnız 41 min nəfər ödəniş alıb. Bundan əlavə, 200-dən çox köçürmə şəhadətnaməsi verilib.
Manturov bildirib ki, hökumət Fövqəladə Hallar Nazirliyinə 1,9 milyard rubl, habelə əmlak itkisi ilə əlaqədar sərhəd sakinlərinə yardım göstərmək üçün 858 milyon rubl ayıracaq. O, həmçinin vurğulayıb ki, sentyabrın 1-dən Kursk məktəblilərinin bir qismi distant təhsilə keçiriləcək.
Putin də öz növbəsində döyüş zonasını tərk edən Kursk vilayətinin sakinləri üçün 15 min rubl məbləğində avtomatik ödəniş rejiminin tətbiqi ideyasını dəstəkləyib.