Dünya bazarında şəkərin qiyməti 2022-ci ilin ilin oktyabrından indiyədək ən aşağı həddə düşüb.
Modern.az xəbər verir ki, təkcə ötən gün qiymətlər 2 faizədək ucuzlaşıb.
Şəkərin oktyabr ayı üzrə fyuçers qiyməti bir funt üçün 17,6 sent olub.
Birja qiymətləri 2022-ci ilin oktyabr ayının sonundan bəri ilk dəfə olaraq bu səviyyədədir.
Şəkərin qiyməti bu ilin iyul ayında 7 faiz ucuzlaşdıqdan sonra daha 6,6 faiz enib.
Qiymətin azalmasına əsas şəkər istehsal edən ölkələrin müsbət proqnozları səbəb olub.
Braziliyada bu il rekord səviyyəyə - 43,1 milyon ton şəkər istehsalı proqnozlaşdırılır. Halbuki əvvəlki proqnoz 41 milyon ton olub.
Taylandda isə istehsalın əvvəlki illə müqayisədə 8,8 milyon tondan 9-10 milyon tona qədər artacağı proqnozlaşdırılır.
ABŞ Kənd Təsərrüfatı Nazirliyinin hesabatına görə bu il dünyada şəkər istehsalı 1,6 faiz artaraq 186 milyon tona çatacaq.