"Heç olmasa, indilik siyasətə girmək istəmirəm".
Modern.az "Sputnik Armenia"ya istinadən xəbər verir ki, bunu Ermənistanın həbsdən çıxan keçmiş müdafiə naziri David Tonoyan bildirib.
"Söhbət hakimiyyət uğrunda mübarizədən gedir. Son 30 ildə mən siyasətdəyəm - müdafiə, təhlükəsizlik. Amma mən heç vaxt hakimiyyət uğrunda mübarizə aparmamışam", - o, jurnalistlərə deyib.
Eyni zamanda, Tonoyan bəyan edib ki, "ölkənin müdafiə qabiliyyətinin artırılmasında" iştirak etməyə hazırdır. O, niyə bu qədər uzun müddət həbsdə saxlandığını bildiyini də söyləyib: “Amma hələlik deməyəcəyəm”.