Belarus Ukrayna ilə sərhəddə aviasiya və hava hücumundan müdafiə qoşunlarını yerləşdirib.
Modern.az xəbər verir ki, bu barədə AP məlumat yayıb.
Nəşr yazır ki, hava hücumundan müdafiə qüvvələrinin komandanı, Belarus Respublikasının general-mayoru Andrey Lukyanoviçin bəyanatlarına əsasən, Ukrayna sərhədi yaxınlığında zenit-raket kompleksləri və radiotexniki korpusun əsgərləri yerləşdirilib.
Həmçinin qeyd olunur ki, Belarus ordusunda 60 minə yaxın hərbçi var və Lukaşenko ölkənin silahlı qüvvələrinin demək olar ki, üçdə birinin sərhəddə yerləşdirildiyini elan edib.
O bildirib ki, qoşunların yerləşdirilməsi qərarı “sərhəd boyu əlavə Ukrayna qoşunlarının yerləşdirilməsinə cavab olaraq” qəbul edilib, lakin bu məlumatın müstəqil şəkildə yoxlanılması mümkün deyil. Ukrayna tərəfi Belarus qoşunlarının 1084 km uzunluğunda ümumi sərhəddə yerləşdirilməsini təsdiqləməyib.