Özbəkistan prezidenti Şavkat Mirziyoyev bu gün Qaraqalpaqıstan Muxtar Respublikasına səfər edəcək.
Modern.az xəbər verir ki, bunu dövlət başçısının mətbuat katibi Şerzod Əsədov bildirib.
Səfər zamanı sənaye müəssisələrinə, informasiya texnologiyaları və sosial obyektlərə baş çəkmək, məhəllələrin həyatı ilə tanış olmaq nəzərdə tutulub. Yeni layihələr istifadəyə veriləcək.
Növbəti gün - avqustun 20-də prezident sahibkarlarla dialoq aparacaq.
Qeyd edək ki, türk xalqlarının qıpçaq qoluna aid olan qaraqalpaqlar (qazaxlar və qırğızlar kimi - red.) Özbəkistanın tərkibindəki Qaraqalpaqıstan Muxtar Respublikasının sakinləridirlər.