2024-cü ilin birinci yarısında Gürcüstanda 9193 nəfər məhkum edilib.
Modern.az xəbər verir ki, bu barədə Gürcüstanın Milli Statistika Xidməti məlumat yayıb.
Onlardan 2115 təqsirləndirilən şəxs cəzaçəkmə müəssisəsinə göndərilib, 4731 nəfər şərti cəza alıb, 1837 vətəndaş cərimələnib, 446 nəfər ictimai işlərə cəlb edilib.
Məhkum olunanların 8632 nəfəri kişi, 561 nəfəri qadındır. Bundan başqa, onlardan 236 nəfəri 14-17 yaş arasındadır.
Gürcüstan hazırda son 10 ildə həbsxanalarda məhbus sayının ən yüksək olduğu ölkələrdən biridir. Payızda ölkədə amnistiya nəzərdə tutulur ki, bu da onların sayını təxminən üçdə bir qədər azaldacaq.