ABŞ hökuməti Almaniyaya "Patriot" hava hücumundan müdafiə sistemləri üçün 600 raket və digər avadanlıqların satışına icazə verib.
Modern.az "Bild"ə istinadən xəbər verir ki, əsas podratçı Amerikanın "Lockheed Martin" konsernidir.
Belə əməliyyatların həyata keçirilməsi adətən bir neçə il çəkir. Dəyəri 5 milyard dollar olan silah müqaviləsi Avropada siyasi və iqtisadi sabitliyin təmin edilməsində mühüm rol oynayan NATO müttəfiqinin təhlükəsizliyini gücləndirməklə ABŞ-ın təhlükəsizliyini gücləndirəcək.
“Patriot” zenit-raket kompleksi dünyanın ən yaxşı hava hücumundan müdafiə sistemlərindən biridir. Bundan əvvəl Almaniya Ukraynaya bir neçə belə sistem vermişdi.