Gecə saatlarında Rusiya tərəfindən ilhaq edilən Krım yarımadasına hücum edilib.
Modern.az xəbər verir ki, bu barədə Rusiya və Ukraynaya məxsus teleqram kanallarında məlumat yayılıb.
Hücum zamanı Krım körpüsü və Krımı birləşdirən bərə keçidi hədəfə alınıb. Rusiya hakimiyyətinə yaxın teleqram kanaları Krım körpüsü üzərində səkkiz raketin vurulduğunu iddia edir.
Rusiya mənbələri Kerçdə hava hücumu xəbərdarlığı elan edib və Krım körpüsünün bağlandığı bildirilib.
Sevastopolun qondarma qubernatoru Mixail Razvojayev Ukrayna PUA-larının şəhərə hücum etdiyini və hücumun dəf edildiyini bildirib.
Rusiya Müdafiə Nazirliyi bildirir ki, bir gecədə Krım sahillərində Ukraynaya məxsus 5 pilotsuz uçan aparat və iki insansız qayıq məhv edilib.