Ermənistan baş naziri Nikol Paşinyanın ardınca prezidenti Vaaqn Xaçaturyan da Məsud Pezeşkiana İran İslam Respublikasının prezidenti seçilməsi münasibətilə təbrik məktubu göndərib.
Modern.az xəbər verir ki, Xaçaturyan məktubda bildirib:
"Əminəm ki, sizin zəngin təcrübəniz və biliyiniz ölkənin gələcək tərəqqisinə və çiçəklənməsinə töhfə verəcək. Ermənistan İran ilə qarşılıqlı hörmət və etimada əsaslanan çoxəsrlik dostluğun ardıcıl möhkəmlənməsinə və dərinləşməsinə önəm verir. Ümidvaram ki, Ermənistan-İran münasibətləri dinamik inkişafa davam edəcək”. İranın Seçki Qərargahının məlumatına görə, ölkə daxilində və xaricində namizədlərə verilən səslərin ümumi sayı 30 milyon 530 min 157-dir. Səslər aşağıdakı kimi bölünüb:
Məsud Pezeşkian - 16 milyon 384 min 403 səs; Səid Cəlili - 13 milyon 538 min 179 səs.