İranda prezidentliyə namizəd Əlirza Zakani də iyunun 28-də keçiriləcək prezident seçkilərindən geri çəkildiyini açıqlayıb.
Modern.az xəbər verir ki, Əlirza Zakani sosial media hesabından verdiyi açıqlamada növbədənkənar prezident seçkilərində namizəd kimi iştirak etməyəcəyini bildirib. Xatrıladaq ki, bundan əvvəl Əmir Hüseyn Qazizadə Haşimi də namizədliyi geri götürmüşdü. Beləliklə, sabah keçiriləcək seçkilərdə 4 namizəd qalıb: Mustafa Purməhəmmədi - prokuror və keçmiş ədliyyə naziri; Məsud Pezeşkian - parlamentin deputatı, keçmiş səhiyyə naziri; Səid Cəlili - İran ali rəhbərinin Təhlükəsizlik Şurasındakı nümayəndəsi; Məhəmməd Baqir Qalibaf - parlamentin hazırkı sədri; İran yeni prezidentini seçmək üçün sabah, iyunun 28-də seçkiyə gedəcək.