ABŞ-ın vitse-prezidenti Kamala Harris Ukraynanın təşkilatçılığı ilə İsveçrədə keçiriləcək "Sülh Sammiti"ndə iştirak edəcək.
Modern.az xəbər verir ki, bu barədə Ağ Evdən bildirilib.
"Vitse-prezident Bayden-Harris Administrasiyasının Ukraynanın suverenliyi, ərazi bütövlüyü və BMT Nizamnaməsinin prinsiplərinə əsaslanan ədalətli və davamlı sülhün bərqərar edilməsi üzrə səylərini dəstəkləmək öhdəliyini vurğulayacaq", - Ağ Evin açıqlamasında deyib.
Sammitdə milli təhlükəsizlik müşaviri Ceyk Sullivan da iştirak edəcək
Qeyd edək ki, 106 ölkə sammitdə iştirakını təsdiqləyib. Bir sıra dövlətlər sammitdə iştirakdan rəsmən imtina ediblər. Çin, Braziliya və Cənubi Afrika sammitdə iştirak etməyəcək.