Bakı. Trend:

Fransanın 45 rayonunda yüksək meşə yanğını riski ilə əlaqədar narıncı xəbərdarlıq elan edilib.

Bu barədə Fransanın milli meteoroloji xidməti “Meteo-France” məlumat yayıb.

Xəbərdarlıq Bretan bölgəsinin demək olar ki, bütün ərazisini, İl-de-Frans, Normandiya və ölkənin şimal-şərq bölgələrini əhatə edib.

Bundan başqa, 78 rayonunda gözlənilən anomal isti hava şəraiti ilə əlaqədar narıncı xəbərdarlıq elan olunub.

Fransa hökuməti bildirib ki, ölkə ərazisinin təxminən 70 faizində su təchizatı ilə bağlı məhdudiyyətlər tətbiq olunub.