Bakı. Trend:

Sumqayıtda Nəsimi adına Mədəniyyət və İstirahət Parkında yaşıllıqların kəsilməsi ilə bağlı sosial mediada görüntülər yayılıb.

Məsələni aydınlaşdırmaq üçün Sumqayıt İcra Hakimiyyətinə sorğu ünvanladıq.

İcra hakimiyyətindən Trend-in sorğusuna cavab olaraq bildirildi ki, iddialar həqiqəti əks etdirmir:

“Qeyd olunan ərazidə ağac kəsilməyib”, - icra hakimiyyətinin məlumatında bildirilib.

Qeyd edək ki, sosial mediada yayılan görüntülər Şəhidlər xiyabanı ilə Göyərçin abidəsi arasında yerləşən ərazidəndir. Sakinlər bu ərazidəki ağac və kolların kəsilib məhv edildiyini iddia edirlər.