Bakı. Trend:

Fars körfəzində Boliviya bayrağı altında üzən iki gəmi ilə əlaqə kəsilib, lakin İraq dəniz limanı rəhbərliyi onlardan heç bir həyəcan siqnalı almayıb.

Trend-in məlumatına görə, bu barədə İraq Dəniz Limanlarının Baş Şirkəti məlumat yayıb.

"İraq ərazi sularındakı Dənizçilik İdarəsi və Xüsusi Axtarış və Xilasetmə Mərkəzləri Boliviya bayrağı altında üzən iki gəmidən heç bir mesaj və ya siqnal almayıb və onlar İraq ərazi sularına daxil olmayıblar", - deyə şirkətin xüsusi açıqlamasında qeyd edilib.

Şirkət bildirib ki, o, “Fars körfəzi bölgəsində yerləşən bir neçə limanın təhlükəsizlik orqanlarından, həmçinin əlaqənin itirildiyi iki gəminin sahiblərindən hər hansı məlumatın təqdim olunması ilə bağlı məktublar" alıb.