Bakı. Trend:

Avropa Birliyi (AB) ölkələri əczaçılıq sənayesi üçün lazım olan xammalın böyük hissəsini Asiya ölkələrindən idxal etdiyinə görə, Hörmüz boğazında mümkün blokada bir sıra dərman vasitələrinin çatışmazlığı riskini artıra bilər.

Trend xəbər verir ki, bu barədə Fransanın “Tribune” nəşri mənbələrə istinadən məlumat yayıb.

Məlumata görə, Hörmüz boğazının bağlanması və neft-kimya məhsullarının qiymətlərində kəskin artım qlobal təchizat zəncirinə ciddi təsir göstərə bilər. Bildirilir ki, əczaçılıq xammalının təxminən 80%-ni Asiya ölkələrindən təmin edən AB dövlətləri bəzi dərman preparatlarının qıtlığı ilə qarşılaşa bilərlər.